由薩克薛達(Zack Snyder)執導嘅超級英雄片《蝙蝠俠對超人:正義曙光》 (The Batman v Superman:Dawn of Justice),其實同2013年《超人:鋼鐵英雄》(Man of Steel)有非常大關連,今次預告中由亨利加維(Henry Cavill)扮演嘅超人因為力量過大破壞地球,一開始已經要出嚟面對群眾指摘,而荷李活男星班亞弗力(Ben Affleck)扮演嘅蝙蝠俠,因為韋恩企業被超人眼睛發出啲鐳射光搞到冧咗,害死咗好多人,於是乎好憎嚟自外星嘅超人。班仔話:「20年嚟葛咸城仲有幾好多人剩低?超人有能力去剷除所有人類,我一定要隊冧佢!」
於是收咗山嘅蝙蝠俠重披戰衣,預告中見到佢同超人有唔少打鬥場面,而女星Gal Gadot扮演嘅神奇女俠都有著上性感戰衣,威力都幾強勁。至於謝西艾辛堡(Jesse Eisenburg)扮演嘅有錢聰明科學家奸角Lex Luthor都有登場,佢肯定有份挑撥起超人同蝙蝠俠之爭從中攞著數諗住控制世界。
戲中最令人留意到,係其中兩幕都暗示緊未來續傳中隨時會有小丑登場,因為戲中懷念羅賓嘅戰衣同班仔手執嘅報紙上面,都寫咗揶揄蝙蝠俠無能嘅字句,充滿小丑愛譏諷嘅個性。